شباب كريستيان تنقل استغـــــــــــــــــــــــــــاثة/ الى قداسة البابا تواضروس الثانى

                                                          

                                                             

 استغـــــــــــــــــــــــــــاثة

استغاثة عاجلة/مواطن قبطى من اقباط المهجر يعيش فى المانيا يستغيث بحركة شباب كريستيان لتدخل قداسة البابا تواضروس الثانى على وجهة السرعة.

ننشر اليكم ما جائنا فى رسالتة الينا :  

مساء الخير:
انا عندى مشكلة وعايز انشرها:-
اسقف فى المانيا اسمة الانبا ميخائيل قام بضربى بواسطة 5 رهبان علشان بطلب يرجعلى مراتى واوﻻدى زى مافصلها بالقانون اﻻلمانى.
5 رهبان اتهجموا عليا وضربونى وطردونى من الدير الساعة 11 مساءا يوم 4 / 5 دخلت المستشفى وحصلت على تقرير طبي ممكن ابعت صورة التقرير الطبى وابعت صورتى وانا فى سيارة اﻻسعاف.
برجاء:
عدم توضيح اسمى ووجهى فى الصور.....
1- دة اﻻنبا ميخائيل خليفة اﻻنبا بوﻻ فى اوربا وقاهر الرجال ونصير النساء   .
2- دة وانا واقف مرمى خارج الدير بالبس النوم مطرود الساعة 11مساءا      .
3- دة وانا فى سيارة اﻻسعاف متالم من كدمات شديدة نتيجة ضرب الرهبان ليا.
كل الى حصلى علشان طلبت منة انة يرجعلى مراتى واوﻻدى زى مافصلهم المدام راحت الدير عندة زعلانة زى اى ست مابتزعل من جوزها وهيا وﻻ تعرف لغة المانى وﻻ قوانين المانى.
الادمن-انتم متجوزين من امتى؟ وعندكم ولاد اية؟
من 20 سنة عندى ولد وبنت.
ظروف
المهم طبع صفحة فيس بوك مش باسمى وحط عليها صورتى علشان يثبت اى حاجة عليا وعملها فصل عنى بالقانون اﻻلمانى بعدها اشتكيت للكتدرائية فى مصر حققوا معاة وبعتولى لجنة مجمع اكليريكى واللجنة قررت ان المدام ترجع
روحت الدير علشان اشوف اوﻻدى فقام سيدنا الانبا ميخائيل بالاتصال بالمدام علشان ماتجيش وقالى انت تمشى من الدير
وﻻدك مش عايزينك قلتلة ازاى انا بكلمهم على الفيس وهما عايزين يجوا يشفونى وامهم رافضة وقلتلة انا ممكن اقعد فى الهيكل لوانت مش عايزنى فى الدير لقيت الساعة 11 مساءا 5 رهبان بيخبطوا على باب الغرفة الى انا فيها وهجموا عليا بالضرب ولموا هدمومى فى اكياس زبالة بلاستيك وزقونى لحد مانزلونى خارج المبنى وركبونى سيارة بالزق خرجتنى خارج الدير مساءا ورمتلى شنطى وهدمومى فى الشارع علما بأن الدير فى قرية مقطوعة ومافيش اى وسيلة نقل. اتصلت بصديق ليا جانى الساعة 1 صباحا ووصلنى لسكنى كانت ضلوعى من الضرب تعبانى طلبلى سيارة اﻻسعاف صديق ليا من فرانكفورت ثم الدكتور كتب تقرير بالكدمات الموجودة فى جسمى..اﻻسقف دة مش ممكن يكون اسقف دة رئيس عصابة لسة خارج من المستشفى انهاردا الصبح ..الادمن-وطبعا مش قادر تشوف ولادك بسبب القانون الالمانى ومراتك مانعاهم .صح مش بشفهم. برجاء عدم ظهور وجهى واسمى انا يهمنى دلوقتى تصرف اسقف فى الكنيسة اﻻرثوزكسية
ان يضرب واحد ويطردة برة الدير فى وقت متاخر وانة يقف مع المدام بالشكل اﻻنتحارى دة ضدى. لية واية السبب وﻻ المسيح قال كدا.. وﻻ حقوق الانسان قالت كدا ممكن بعد النشر كتابة الموضوع بالصور وترسلة بالبريد لقداسة البابا تواضروس بعلم الوصول عايز الموضوع يوصل لقداستة ارجوكم و أنا هنشر الموضوع على الصحف اﻻلمانية وممكن بعد النشر فى الصحف ابعتلك جريدة منهم..و يوم اﻻربعاء القادم الموافق 9 من ابريل 2014 معايا ميعاد مع المحامى وهحصل على ورقة منة برفع القضية بأسماء الرهبان اللى اعتدوا عليا واسم الانبا ميخائيل واسم الدير وعنوانة وسف ارسلها لكم.

ملحوظة:حركة شباب كريستيان تحتفظ بالمستندات واسم الضحية الاصلى والصور بدون اخفاء الوجهة او الاسم لتوصيلها لقداسة البابا تواضروس الثانى شخصيا احتراما لرغبة الراسل.

حركة شباب كريستيان  :

مسؤول ومؤسس الحركة:-                                                                            

مهندس/نادر صبحى سليمان